The Small little things about Japan 🇯🇵

Wearing Kimono

こんにちは = konnichiwa （╹◡╹）♡

ໃນເດືອນມີນາ 2018 ທີ່ຜ່ານມາ (ຜ່ານມາແລ້ວ 3 ປີ 🤣), ຜູ້ຂຽນໄດ້ມີໂອກາດໄປແລກປ່ຽນໂຄງການ ທີ່ຊື່ວ່າ JENESYS2017 ພາຍໃຕ້ຫົວຂໍ້ “Peace Building” ເຊິ່ງໄດ້ໄປ Tokyo ແລະ Nagasaki (Atomic bomb City).

ຈາກການໄປແລກປ່ຽນຄັ້ງນັ້ນ, ຜູ້ຂຽນຈະລວບລວມເອົາສິ່ງໜ້າຮັກເລັກໆນ້ອຍໆກ່ຽວກັບຄວາມເປັນຍີ່ປຸ່ນມາໃຫ້ຜູ້ຫຼົງເຂົ້າມາໄດ້ອ່ານ. ລອງມາອ່ານນຳກັນເບິ່ງເນາະ (ວ່າຄວາມຮູ້ສຶກຂອງຜູ້ຂຽນຈະຍັງຈົດຈໍາພາບ, ເຫດການຂອງສະຖານທີ, ອາຫານ, ອາກາດ, ວັດທະນາທຳ ຄວາມເປັນຍີ່ປຸ່ນໄດ້ຫຼາຍຊໍ່າໃດ ເພາະວ່າມັນກໍຜ່ານມາເປັນເວລາ 3 ປີ ແລ້ວ ທີ່ຈິງຫົວຂໍ້ນີ້ຖືກຮ່າງໄວ້ຫຼັງກັບມາໃຫມ່ໆ ແຕ່ຍັງບໍ່ຮູ້ຊິອອກແບບເນື້ອໃນແບບໃດເທື່ອ).

The small little things I have found and fell in love about in Japan:

*ອາຫານ ແລະ ເຄື່ອງດື່ມ: ຜູ້ຂຽນຄິດວ່າຜູ້ອ່ານເກືອບທຸກຄົນຄົງຈະມັກອາຫານຍີ່ປຸ່ນເຊັ່ນດຽວກັບຜູ້ຂຽນເນາະ. ແຕ່ວ່າ, ຜູ້ຂຽນຈະຄັດເອົາສະເພາະແນວກິນທີ່ຜູ້ຂຽນມັກຫຼາຍທີ່ໄດ້ລອງຢູ່ຍີ່ປຸ່ນ,

• ຂອງຫວານ: Green tea moji (ໂມຈິ), ເປັນອີ່ຫຍັງທີ່ແບບມີຄວາມຄິດຮອດຫຼາຍ. ໂມຈິຊາຂຽວ ເປັນແນວກິນອັນທຳອິດທີ່ໄດ້ລອງຊື້ ຫຼັງຈາກລົງຍົນຢູ່ໂຕກຽວ, ເຊັກອິນເຂົ້າທີ່ພັກ, ກິນເຂົ້າສວາຍແລ້ວ. ໝູ່ທີມລາວກໍໄດ້ພາກັນຍ່າງເລາະບໍລິເວນແຖວສະຖານີລົດໄຟ (Shin-Urayasu Station, Tokyo) ເຊີ່ງພວກເຮົາພົບວ່າ ສິ່ງທີ່ໜ້າສົນໃຈ ແລະ ຄວນເຂົ້າເລາະເບິ່ງກໍຄື: 7 Eleven ເຊີ່ງມັນປະກົດມີຫຼາຍບ່ອນອີ່ຫລີ່ ພ້ອມທັງຕົກແຕ່ງຕາຮັກ, ສະອາດ ເປັນຕາເຂົ້າ. ຈື່ໄດ້ວ່າພາກັນເຂົ້າກຽມທຸກຮ້ານເລີຍ, ບັງເອີນມີຮ້ານໜຶ່ງມີໂມຈິແບບສົດ ແບບບໍ່ໄດ້ແຊ່ໄວ້ຕູ້ເຢັນ ເລີຍຮູ້ສຶກວ່າ ຢາກລອງກ່ອນ. ຫຼັງຈາກສຳຜັດຄໍາທໍາອິດຮູ້ສຶກເຖິງຄວາມນຸ້ມ (ນຸ້ມອີ່ຫຼີ່) ທັງຫວານນ້ອຍ, ຫອມຊາຂຽວ, ແຊບແຮງ. ເປັນໂມຈິຊາຂຽວ original ອີ່ຫລີ່.

Green Tea Moji @7eleven

• (original) Ramen: ຄືນສຸດທ້າຍ, ພາກັນໄປເລາະຊື້ເຄື່ອງໃນຮ້າງແລ້ວ ເລີຍພາກັນໄປລອງ ສິ່ງທີ່ຢາກລອງ ແລະ ຍັງບໍ່ທັນມີມື້ໃດຫວ່າງຈັກເທື່ອ ນັ້ນກໍຄື ເຂົ້າຮ້ານ Ramen ແບບເຮົາກໍມີພາບໃນຫົວຄືໃນຫນັງ Naruto ກິນ Ramen ຂື້ນມາ. ຮ້ານ Ramen ທີ່ໄດ້ລອງແມ່ນຢູ່ແຖວສະຖານີລົດໄຟ ເປັນຮ້ານນ້ອຍ ທີ່ມີຄົນລໍຖ້າເຂົ້າຫລາຍຢູ່. ຜູ້ຂຽນເລືອກ Ramen ແບບ ທໍາມະດາ. ຕາມເມນູທີ່ໃຫ້ມາ ມີຫລາຍເມນູໃຫ້ເລືອກ ປະເພດຊີ້ນ ແລະ ນໍ້າຊຸບ. ຜູ້ຂຽນບໍ່ຫລາຍເລື່ອງ ສັ່ງ original ມາລອງ, ແຊບຫລາຍ ນໍ້າຊຸບສີໃສ ເສັ້ນບາງນ້ອຍ ຊີ້ນນຸ່ມ ກິນທຸກຄໍາ ບໍ່ຮູ້ສຶກຮ້ອນເລີຍ ເພາະອາກາດມັນຫນາວ. ທໍາອິດເວົ້າກັບລຸ້ນນ້ອງທີ່ນັ່ງນໍາກັນວ່າ ເຮົາກິນຜູ້ລະສອງຖ້ວຍບໍ ບາດແລ້ວ ໃຜກະອີ່ມ (ຄິດວ່າຈະລອງເປັນ Naruto ເບິ່ງຊັ້ນເດ🤣). ເປັນ Ramen ທີ່ບໍ່ມີບ່ອນໃດຄືແທ້ໆ, original Ramen ຄິດວ່າແນວໃດກໍຕ້ອງໄປກິນຢູ່ຍີ່ປຸ່ນ.

The original Ramen @Tokyo City

• ນໍ້າດື່ມກິ່ນ peach: ໃກ້ມື້ຈະກັບລາວ, ພາກັນໄປເລາະ ຮ້າງ AEON ໄປເຈີນໍ້າດື່ມກິ່ນໝາກໄມ້ໂຕນີ້ເລີຍລອງຊື້ມາເບິ່ງ (ເພາະວ່າຜູ້ຂຽນເປັນຄົນມັກລືມດື່ມນໍ້າຕະຫຼອດ ເລີຍວ່າ ເອ ມັນອາດຈະເປັນການຕະຫຼາດ ກະຕຸ້ນຄົນໃຫ້ດື່ມນໍ້າຫຼາຍຂື້ນເນາະ). ນໍ້າດື່ມກິ່ນຫມາກໄມ້ນີ້ບໍ່ຫວານເລີຍ ຫາກໃຫ້ຄວາມຮູ້ສຶກຫອມກິ່ນຫມາກໄມ້ນັ້ນ ແລະ ເຮັດໃຫ້ດື່ມແບບບໍ່ຢຸດ ແຕ່ວ່າລາຄາຫາກແພງກວ່າ ນໍ້າດື່ມປົກກະຕິ ຮ່າຮ່າ. (ຜູ້ຂຽນເຫັນຢູ່ ຮ້າງ Parson Center ຂອງລາວ ນຳເຂົ້າມາຄືກັນ ແຕ່ຂ້ອນຂ້າງແພງຢູ່).

ນໍ້າດື່ມກິ່ນຫມາກໄມ້

ເງິນທັງຫມົດທີ່ຜູ້ຂຽນຫມົດໄປແມ່ນສິ່ງນີ້ນີ່ເອງ 🤣😅

**ການນ້ອມນອມ ແລະ ການຕ້ອນຮັບຂອງຄົນຍີ່ປຸ່ນ:

ເປັນເວລາຫຼາຍວັນທີ່ພວກເຮົາໄດ້ເຮັດກິດຈະກຳຢູ່ຍີ່ປຸ່ນເຊິ່ງພວກເຮົາກໍໄດ້ມີໂອກາດໃຊ້ການບິນພາຍໃນປະເທດອີກດ້ວຍ ຄືບິນໄປເມືອງ Nagasaki Prefecture. ສິ່ງທີ່ພວກເຮົາ ສັງເກດໄດ້ດີເລີຍກໍຄື ການສະແດງມາລະຍາດການຕ້ອນຮັບຂອງຄົນຍີ່ປຸ່ນ ບໍ່ວ່າຈະຍ່າງເຂົ້າຮ້ານ ເຂົາກໍຈະກົ້ມຫົວໃຫ້ແລ້ວ ກ່າວຄຳວ່າ konnichiwa, …. ຫຼື ເວລາອອກຮ້ານແມ່ນ Arikato…. ບໍ່ພຽງເທົ່ານັ້ນ ຄວາມໜ້າຮັກຂອງພະນັກງານໂຮງແຮມ ທີ່ພວກເຮົາໄດ້ໄປພັກຢູ່ເທິງພູເມືອງນາງາສະກິ ສະແດງອອກເປັນຢ່າງດີ ຄືຕອນທີ່ພວກເຮົາເຊັກເອົາ, ພວກເຂົາຫຼາຍຄົນ ອອກມາສົ່ງພ້ອມມີປ້າຍ ສະແດງຄວາມຂອບໃຈ ແລະ ຢູ່ຖ້າຈົນ ພວກເຮົາຂັບລົດອອກຈາກໂຮງແຮມເລີຍ. ສິ່ງນີ້ເປັນສິ່ງທີ່ໜ້າຮັກແທ້ໆ ຜູ້ຂຽນກໍຍັງບໍ່ເຄີຍພົບຢູ່ໃສມາກ່ອນ. ຜູ້ເຂົ້າຮ່ວມຫຼາຍຄົນ ໃຜກໍຍ້ອງຄວາມຕາຮັກ ແລະ ກ່າວຄຳວ່າ Arikato. ສິ່ງໜຶ່ງ ທີ່ຜູ້ເຂົ້າຮ່ວມໂຄງການແລກປ່ຽນລື້ງ ກໍຄື ການກົ້ມຫົວລົງ ປານວ່າຕົວເອງກໍເປັນຄົນຍີ່ປຸ່ນຜູ້ໜຶ່ງ ຮ່າຮ່າ.

***ຄວາມຫນ້າຮັກໃນການປະດັບຄວາມເປັນສິລະປະ ແລະ ຄວາມເປັນຍີ່ປຸ່ນໃຫ້ໄດ້ເຫັນທົ່ວຕົວເມືອງ:

• ບໍ່ວ່າຈະເປັນ ຂັ້ນໄດລອຍຟ້າຂ້າມທາງ ກໍປະກອບສິລະປະໃສ່ ໃຫ້ສວຍງາມ, ບໍລິເວນຝາກໍາແພງຕຶກລົດໄຟ, ທາງຍ່າງ ບ່ອນທີ່ມີຝາປິດທໍ່ນໍ້າ ກໍຍັງມີການແຕ້ມທາສີເປັນຮູບຫນ້າຮັກອີກ (ເບິ່ງໄດ້ຕາມຮູບຕົວຢ່າງ). ນອກນັ້ນ, ສະຖານທີ ອາຄານອື່ນໆ ຍັງງົດງາມ, ສະອາດ ແລະ ເຕັມໄປດ້ວຍຄວາມເປັນຍີ່ປຸ່ນແທ້.

ແຖວສະພານຂ້າມທາງ Tokyo City

@Train station area

ຂໍເອີ້ນວ່າ ສະແຕມກາຕູນ ຕິດຕາມທາງຍ່າງ 😅🤣 @Nagasaki Prefecture

****ດອກໄມ້ຢູ່ແດນຫນາວຍີ່ປຸ່ນ: ເນື່ອງຈາກໄດ້ໄປຢ້ຽມຊົມສະຖານທີທ່ອງທ່ຽວຂອງເມືອງ ນາງາສະກິ ເລີຍໄດ້ໄປເຫັນສວນດອກໄມ້ນາໆຊະນິດ, ອາດຈະເປັນຄັ້ງທຳອິດທີ່ຜູ້ຂຽນໄດ້ຊົມສວນດອກໄມ້ຫຼາກຫຼາຍແບບນີ້ ເລີຍຮູ້ສຶກວ່າມັນພິເສດ ແລະ ງາມຫຼາຍ, ເປັນຕົ້ນແມ່ນດອກທິວລິບ ຕັ້ງແຕ່ນັ້ນມາ Tulip ກໍກາຍເປັນ my fav flower ໄປເລີຍ:) 🌷🌷. ອີກຢ່າງ, ມັນມີຫຼາຍສີ ເວລາມີແດດກະທົບໃສ່ແຮງເຫັນເງົາສີເຂັ້ມເດັ່ນຊັດຂື້ນ. ນອກນັ້ນ, ກໍຍັງສັງເກດເຫັນດອກຊະນິດອື່ນໆ ທີ່ສວຍສົດງົດງາມ ປານໄດ້ຊົມພາບແຕ້ມ (ປານນັ້ນພຸ້ນ?).

ສາຍພັນດອກກຸຫຼາບ ແລະ ດອກໄມ້ປະເພດອື່ນໆ (ບໍ່ຮູ້ຊື່ຄືກັນ)

Tulip garden, photo taken @Nagasaki Prefecture

Flower shop @ShinUrayaStation Tokyo

Sakura (Cherry Blossom)

****ຕຶກອາຄານ: ແມ້ນແຕ່ ຕຶກອາຄານຂອງສະຖານີລົດໄຟຍັງມີລັກສະນະສະເພາະເລີຍ ເບິ່ງແລ້ວຮູ້ເລີຍວ່າແມ່ນ ສະຖານີລົດໄຟ, ແນວຄິດສ້າງສັນແທ້ໆ ອອກແນວສະຕາຍກະຕູນຕາຮັກ. ນອກນັ້ນ, ສະຖານທີອາຄານອື່ນ ກໍມີຄວາມອະລັງການ, ໃຫ່ຍເດັ່ນພິເສດ ບໍ່ຄືໃຜ. ມີຄວາມທັນສະໄໝ ແລະ ກໍຍັງຄົງເຕັມໄປດ້ວຍວັດທະນະທຳຂອງຍີ່ປຸ່ນ. ສັງເກດບ້ານເຮືອນຂອງປະຊາຊົນກໍຈະຄ້າຍໆກັບແບບທີ່ເຮົາເຫັນໃນໜັງກະຕູນເລີຍ. (ເບິ່ງໃນຮູບໄດ້ເລີຍ)

The Building in Nagasaki University Campus

@Nagasaki Prefecture view

Recycle Area (if not mistake, it’s @Nagasaki University)

A Japanese style of house

@Nagasaki Prefecture

@ShinUrayasu Station, Tokyo City

*****ວິນາທີປະທັບໃຈ: ຕອນທີ່ເດີນທາງກັບຈາກເມືອງນາງາສະກິ ມາໂຕກຽວ ເຊີ່ງໃຊ້ເວລາປະມານ 1-2 ຊມ ເຊີ່ງຜູ້ໂດຍສານເກືອບທຸກຄົນຫຼັບໃນລະຫວ່າງທາງ. ປະມານໃກ້ຈະຮອດລະແຫຼະ, ຜູ້ຂຽນກໍຫຼັບຄືກັນເນາະ ແຕ່ບໍ່ຮູ້ອີ່ຫຍັງເຮັດໃຫ້ສອດຕື່ນຂື້ນມາໃຫ້ແນມໄປທາງປ່ອງຢ້ຽມ ແລະ ໂຊກດີ ທີ່ຜູ້ຂຽນໄດ້ນັ່ງແປະປ່ອງຢ້ຽມ ກັບໝູ່ຄົນມາເລ (ເຖິງຈະເປັນຖ້ຽວຍົນສຳລັບພາຍໃນແຕ່ກໍຖືເປັນຖ້ຽວໃຫ່ຍພໍຄວນ ເພາະປະກອບມີ ຕັ່ງນັ່ງ 3 ຖັນ) ແຖມໄດ້ນັ່ງຢູ່ຟາກຊ້າຍມືຂອງຍົນ ນະນາທີນັ້ນ ຜູ້ຂຽນ ແນມເຫັນວິວຂອງພູເຂົາຫິມະ (ພູເຂົາຟູຈິນັ້ນເອງ). ຄວາມເຮົາດີໃຈທີ່ໄດ້ແນມເຫັນໄກຈາກປ່ອງຢ້ຽມຍົນ ທີ່ສູງເທິງຟ້າ ເບິ່ງຄືເຮົາຢູ່ເທິງພູເຂົາເລີຍ ແລະ ຄວາມຕື່ນເຕັ້ນຂອງເຮົານັ້ນ ຈົນວ່າໄດ້ເອີ້ນຫມູ່ມາເລທີ່ກຳລັງມ່ວນໃນຄວາມຝັນຂອງລາວຕ້ອງຕື່ນມາເບິ່ງນຳເຮົາ ດ້ວຍຄວາມງົງໆ ຮ່າຮ່າ. ມັນງາມແທ້ເກາະທີ່ໄດ້ເບິ່ງຈາກທີ່ສູງໆ ປະກອບກັບສີຂອງທ້ອງຟ້າທີ່ງົດງາມ ແລະ ປົກຄຸມດ້ວຍເມກສີຂາວເລັກນ້ອຍ.

Fuji Mountain view from airplane window photo taken OTW from Nagasaki Prefecture to Tokyo City

*******ວິນາທີລະທຶກຂັວນ ຮ່າຮ່າ: ມື້ທຳອິດທີ່ພັກຢູ່ເມືອງນາງາສະກິ, ພໍດີໂຮງແຮມຈະມີສະຕາຍການນອນແບບຍີ່ປຸ່ນດັ້ງເດີມ ເຊີ່ງກໍຄື ການປູເສື່ອນອນ ແຕ່ອຸ່ນໆສຸດໆ. ນອກນັ້ນ, ໂຮງແຮມຍັງມີໂຮງອາບນ້ຳອຸ່ນ (ແຊ່ອອນເຊັນ) ໃຫ້ພ້ອມແຫຼະ ມີລຸ້ນເອື້ອຍທີມລາວຊວນໄປ ເຮົາກໍໄປ (ແຕ່ໃນໃຈຄືແບບໄປຈອບເບິ່ງດອກບໍ່ໄດ້ກ້າລົງ). ທຳອິດຜູ້ຂຽນກໍຄິດວ່າຈະເປັນອອນເຊັນແບບ ນອກຮົ່ມ ແຕ່ບໍນະ, ເປັນແບບອ່າງລອຍນ້ຳທີ່ບໍ່ເລິກປານໃດ (ຜູ້ຂຽນບໍໄດ້ໃສ່ແວ່ນເນາະ ໃຈເຢັນໆ) ແນມໄກໆບໍ່ເຫັນຫຍັງ//ແນມໄປແປັບດຽວ ເຫັນຫຼາຍຄົນ ເລີຍຊວນເອື້ອຍເພິ່ນຮີບອອກມາ ດຽວຢ້ານກະເຈົ້າດ່າ ວ່າມາຈອບເຮັດຫຍັງຖ້າບໍ່ລົງແຊ່ ກໍອອກໄປ 🤣ແຮ່ແຮ່. ສະຫຼຸບຄື ຕັ້ງໃຈມາຈອບລ້ວນໆ ຮ່າຮ່າ.

Wearing Yukata for the 1st time

Tatami (Futon-the Japanese traditional style of bedding)

ຈົບແລ້ວ~~~~~~

ເປັນແນວໃດຫວັງວ່າຜູ້ອ່ານຄົງຈະມ່ວນກັບການອ່ານໃນຄັ້ງນີ້ເນາະ. ຊ່ວງນີ້ວິກິດໂຄວິດແນ່, ຜູ້ຂຽນເລີຍຖືໂອກາດທ່ຽວທິບຍ້ອນກັບໄປອາດີດຈັກ2–3 ຊມ ຈັກນ່ອຍ ພໍໄດ້ຜ່ອນຄາຍຈາກຂ່າວອັນຮ້ອນແຮງ. ຜູ້ອ່ານຄືກັນເດີ ມີສະຕິຫລາຍໆ ພັກຈາກຂ່າວ ມາອ່ານ ມາຂຽນເລື່ອງມ່ວນໆ ກັນເທາະ ຖ້າມີບົດຄວາມໃຫ້ອ່ານ ແນະນໍາຜູ້ຂຽນແນ່ເດີ :)

ຂອບໃຈຫລາຍທີ່ອ່ານມາຈົນຈົບ

Thanks a minion for reading until the end! I hope you enjoy reading :)

P.S 1: I apologize if there is any inappropriate word.

P.S 2: I am a beginner of writing.

21 May 2021

Written By: Mabelle23